Rojnamegere û Koordînatora Merkezê Cigêrayîşanê Sîyasî û Komelkî (SAMER)  Yuksel Gençe tecrîdê serê Rayberê Şarê Kurdî Abdullah  Ocalanî ANFyî rê ercna.

Gençe tecrîdê serê Ocalanî sey serê komelî name kerd û va: ‘‘Ê ke vera tecrîdê serê Ocalanî vejîyenî tena semedê wayîr vejîyayîşê Ocalanî tê nêgêrenê, ê sey komelêkê polîtîkî xo rê wayîr vejîyenê. Tecrîd hinde tena meseleyê Tirkîye nêyo. Perçeyê tayê hedefanê herêmkî û mîyanneteweyîye yo.‘‘

Gençe bale ante muhîmîya çalakîya hemsereka KCDyî û parlamentera HDPyî ya Colemêrgî Leyla Guvene ya ke hemverê tecrîdê serê Rayberê Şarê Kurdî Abdullah Ocalanî de 43 rojî yo grevê vêşanîye de ya û wina dewam kerd: ‘‘Çalakîya Guvene dirîyîya tayînan zî vete orte.  Înanê ke vatêne ma hetê çarekerdişê meselayê Kurdî, huqûq, aşitîye  û demokrasî de yê raştîya nînan vejîya meydan. Çalakîya Guvene ramot heme şaran ke aşitîye û çare mumkun ê.‘‘

Gençe vist vîrî ke rixmo ke grevê Guvene kewto merhaleyê krîtîkî hukmat vera naye bêveng o û va: ‘‘ Parlamenterêk grevê vêşanîye de ya û halê aye krîtîk o. Naye rê  bêvengmendiş cînayeto hempar o.

Gençe qiseykerdişê xo wina qedîna: ‘‘Beno ke Kurdî serûbinbîyayîşê herême ra bi modelêkê altarnatîfî bivejê ya zî raştê qirkerdişêkê fizîkî û kulturî bêrî.  Na rey zaf şansê xetakerdişê Kurdan çîn o. Coka ganî îtîfaqan û cepheyanê bihêzan ronî.‘‘