Rojnamegerî Gulîstane Tara û Hêro Bahadîn ê ke 23ê tebaxe de qezaya Seyîtsadiqî ya Silêmanî de hetê dewleta tirke ra ameyî qetilkerdene, semedê înan  bajafê Bergisch Gladbachî yê Almanya aktîvîteya vîrardişî ameye organîzekerdenen. Waya Gulîstane Tara Ulkem Isem, xebatkarê çapemenîya azade, rojnamegerî, temsîlkarê dezgehanê kurdan û xeylêk kurdîstanijî û dostî tewrê aktîvîte bîyî.

Badê rêzgirewtişî Ulkeme Isem qisey kerd. Ulkeme Îsem bale ante nêrazîbîyayîşanê vera qetilkerdişê Gulîstane Tara û Hêro Bahadînî ser û vat: ''Çar parçeyanê Kurdîstanî de  nêrzabîyayîşo pîl vejîya werte. Ez wina hîs kena ke dormeyê şehadetê Gulîstane de paştdayîşêko hempar ê kurdan vejîya werte.''

Dima bi nameyê KOMAVî Dayîke Şenge qisey kerd. Şenge vat: ''Seba ke çapemenîya azade vengê têkoşînê heqî ya bi qirkedişan yeno waştene ke vengê ci bêro birnayene. Çapemenîya azade rixmê heme hêriş, zext û qetilkerdişan tim vengê heqîqetî ya. Ganî pawitoxê heqanê merdiman û dezgehê çapemenîye yê mîyanneteweyî vera nê hêrişan bêveng memanê.''

Bi nameyê Înîsîyatîfê Rojnamegeranê Kurdîstanî û ROJIN zî Ronî Eylem qisey kerd. Ronî Eylem vat: ''Gulîstane têna yew rojnamegere nêbî, eynî wextî de vengê şarê xo û pawitişê raştîye bî.''

Pero Dundara ke bi nameyê Têgêrayîşê Cinîyan ê Kurdan ê Ewropa qisey kerd. Dundare vat: ''Binê hêrişê dewleta tirke yê Başûrê Kurdîstanî de îxanetê Barzanîyan est o.''

Dima ra derheqê  cuyeya têkoşînî ya Gulîstane Tara û Hêro Bahadîn de sînevîzyon ame ramojnayene. Badê qiseykerdişan bi deyîranê Bermale Çem aktîvîteya vîrardişî qedîyaye.