Koordînasyonê KJKyî bi wesîleya serra newî eşkerayîyêk daye û nê pare kerdî:

RAYBERÎYE HÊZ DANO ŞARAN

‘‘Serra 2018 senî ke seba Kurdan, cinîyan û şaran zaf zehmetîyê ci estbî, xeylî zî qewîmîyayîşê bihêz û qezencê ci zî estî û bi mucadeleyî ravêrte. Ma reyna ramot dinya ke Kurdî  qerardar ê ke ê do sey şarêk bi nasnameyê xo cuyeyêk biafernî. Reyna felsefeya Rayberîya ma, na serre de zaf bî vila û ruhê xoverdayîşê Rayberîya ma hêzê dano şaranê bindestan.

KOLONYALÎSTÎ BI KOMPLOYANÊ NEWEYAN HÊRIŞ KENÎ

Mucaladeyê 40 serran ê PKKyî yo ke Rojakewtena mîyanêne de rayberîya Rayber Apoyî de ameyo xurtkerdene, newe ra bîyayîşê şarê Kurdî vetê meydan. Serra 41ine qezencî zafêr bîyî. Dormeyê projeyanê Netewa Demokratîke û Konfederalîzmo Demokratîk de rêxistinê û nimeyê muhîmî vejîyayê orte. Modelê Rojawanî ke her roje ci rê eleqedarî zêdîyena, seba cinîyan û şaran sey projeyê halkerdişî vejîya vernî. Hêzê kolonyalîstî ke naye hezm nêkenî bi komployanê neweyan hêrişê têgêrayîşê azadîye kenî.

SERRA 2019 DO BIBO SERRA MUCADELEYÎ

Dewleta Tirkî ya faşîst rayberîya AKPyî de dişmenîya xo ya tarîxî ya vera Kurdan emser zî bi zêdkerdişê şidetî domna, Efrîn îşxal kerd.  Serra 2018î de şexsê kadroyanê serkêşan ê PKKyî ra Mam Zekî, Atakan Mahîr, Medya Mawa, Jindar  û Baran Mawa de hêrişî ameyî kerdene. Bazarîye lêşin yê vera Rojawan hema dewam kenî.  Na serre de zî ciniyan xoverdayîşêko xurt da.  Xoverdayîşê gerîlayanê cinîyan seba cinîyanê dinya bi ûmid. Cinîyanê Kurdan mucadeleyê azadîye yê şaran de bi reng û îradeyê xo rayberîye kerde. Serra 2019  zî do seba cinîyan serra xoverdaşî bo. Ma do bi xoverdayîş tecrîdê serê Rayberîye û hêrişê serê cinîyan bişiknê û 2019 bikerê serra rijnayîşê faşîzmê dewleta Tirkî.‘‘