Koordînasyonê KJK’yî bi wesîleya serrgêra Komploya Mîyanneteweyîye ya 9’ê Teşrîna Verên a 1998’î eşkerayîyêk daye, komplokarî şermezar kerdî û mesajê xurtkerdişî mucadeleyî dayî.

KJK’yî şehîdê ‘Şima nêeşkenê tîjê ma tarî bikerê‘ yê ke seba ke planê leyşinî pûç vejî bedenê xo kerd çeberê adirî û heme şehîdê Têgêrayîşê Azadîye yê Kurdî  yad kerdî û va: ‘‘Bi na komplo şexsê Rayber Apoyî  de ame waştene ke  Kurdî pîya bi îrade, ziwan, nasname û estbîyayîşê xo bêrê qirkerdene. La Rayber Apo, Têgêrayîşê Azadîye û şarê Kurdî  bi xoverdayîş destûr nêda ke amancê komplokaran bêro bicaardene. Ewro hemkarîya Serekê Amerîka Trump û Erdoganî yê îşxalê Rojawanî pabesteya na komplo ya. Waştişê înan oyo ke Kurdan Rojakewtena Mîyanêne de çîn bikerê. Vera sîstemê alternatîfî yê azadîye û demokrasî yo ke Rojawan de rayberîya cinîyan de bi îdeolojîya Rayber Apoyî ame ronayene hêriş yeno kerdene. Hêzanê Rojawanî DAÎŞ’î rê da vînîkerdene. Merdimîye Rojawanî rê deyndar a. Şorişê Rojawanî şorişê cinîyan o û merdimîye wayîrê erjê nê xoverdayîş û azadîye vejîyeno. Hînî şarê Kurdî têna nêyo. Rojawan do na rey zî ser bikewo. Na çarçewe de ma heme komplokaran şermezar kenê û veng danê heme hetanê demokratan ke wa paşt bidê xoverdayîşê Rojawanî.‘‘