Konseya Rayberdişî ya KJKyî kombîyayîşê xo yo îstîsnayî viraşt. Kombîyayîş de proseso sîyasî ame ercnayene û babetê tehlukeyan de hîşyarîye ameye kerdene.

Eşkerayîya KJKyî ra tayî cayî wina yî:

‘‘Îtîfaqo faşîst ke 1998 de hemverê Rayberîya ma de komplo viraşte, ewro reyna serê karî de yo. Seserre cuwa pê reyna seba ke qezencê ke Kurdan bi bedelena girdan afernayê, wazenê ke vernîya nînan bigêre û şarê ma bêstatu biverdê.

Mucadeleyê azadîye ke ma ci rê rayberîye kenê rolêko muhîm girewto xo ser. Ma bi cinîyanê dinya biîrade, qerardarîye  û paştîdayîşê yewbînan  seba mucadeleyê azadîye game muhîmî eştî.

Bi nameyê dewleta Tirkî  Erdogan û Bahçelî wazîfeyê qirkerdişê Kurdan, qirkerdişê cinîyan, polîtîkaya qirkerdişî girewto xo ser. Erdogan dişmenê Kurdan û cinîyan o.  Heme leteyanê Kurdistan de hêrişê Erdoganî yê vera Kurdan dewam kenî. Nê hêrişê vera heme şar û rêxistinanê Kurdan ê. Ganî heme partîyê Kurdan naye vînî û goreyê naye têbigêrê.  

Komplo û hêrişê ke vera Rayberîya ma û qezencanê şarê Kurdî benî  ganî  hêzê Kurdan, partîyê sîyasîyî û dezgeyê Kurdan paştî nînan medê. Ê ke dişmenanê  Kurdan de hemkarîye kenî ganî şarê ma vera nînan  tewir bigêro.

Seba pawitişê Rayberîye û qezencanê ma zîndanan û Ewropa û Başûrê Kurdistanî de çalakîyê girevê vêşanîyê yê bêdem-bêagêrayîşî yenî viraştene. Ma zî sey têgêrayîşê  cinîyan reyna senî ke ma ra yeno pawetene  rayberîya xo bi vindertiş û fedaîyeya Berîtane, Zîlane, Arîn Mîrkane û Avesta Xabure bica anê.

Bi na wesîleya kombîyayîşê ma de qerarê îlankerdişê  seferberîya şeş mengan ame girewtene. Ma do  nê demî de bi heme hêz û qerardarîya xo seba serkewtişî tê bigêrê. Ma nika serkewtiş rê daha nizdîyê. Xora hêrişê girdî tersê hêz û tesîrê ma ra benî.

Ma veng danê heme şarê ma wa bi slogana ma ‘‘Sonda me ye: Em ê Pergala İmralı Parça bikin. Bi Rêber Apo re Azad bijîn!”  vera hêrişê topyekûnî  mîyanê xoverdayîşê topyenûnê yê ma de ca bigêrî. Ma do bi heme hêzê xo nê şeş mengan de heme konseptan veng vejê.‘‘