Seba protestokerdişê tecrîdê girankerdeyî yê serê Ocalanî û seba baleantişê çalakîya grevê vêşanîye ya hemsereka KCDyî û parlamentera Colemêrgî Leyla Guvene ke kewte roja xo ya 58. bajarê Kolnî yê Almanya de çalakîyêk ameye viraştene.
Meclîsê Cinîyan ê Vîyane yê Kolnî verê Kiliseya Domî de çalakîyêk viraşte. Çalakwanan tecrîdê serê Rayberê Şarê Kurdî Abdullah Ocalanî protesto kerd û çalakîya Guvene silam kerde.
Çalakwanan bale ante grevê vêşanîye yê Guvene yo ke kewt roja xo ya 58ine û vat ke na hendî merheleya krîtîk a. Problemê weşîye yê cidîyî dest pêkerdê. CPT ganî cade vera naye têbigêro.
Çalakwanan CPT û Konseya Ewropa sey mesûldarî name kerdî û waşt ke ê cade wezîfeyê xo bica bîyarê.
Çalakwanan bi pêardişê rêzilê merdimî bale ante çalakîya Guvene ya ke seba weşî û azadîya Ocalanî yena viraştene.
