Awankerdoxanê Komela Paştîdayîşî ya Morî ra Derya Çîçeke vat xopawitiş xozaya heme ganeyan de esto û ê bi atolyeyanê xopawitişî hemverê ters û eciqnayîşî de vindenê.

 ‘ŞIDET BI MESELEYÊKO UMÛMÎ’

Çîçeke nê vatî: “Tirkîya de cinîyan hemverê zextan de nê demanê peyênan de seba xopawitişî alternatîfê neweyan rê gêrayî. Têgêrayîşê femînîstî şidetê hemverê cinîyan kerd meseleyêko umûmî. Gama ke cinîyî seba seypêyî veng danê raştê tehdît, qijfînayîş û şidetî yenê, la rixmê nê de hîna zaf xo ver danê.” 

'MA DO BI ATOLYEYAN TERSAN RA BIFELETÎYÊ'

Çîçeke peynî de nê vatî: “Ma cinîyî her roje raştê tacîz û tecawuzî yenê. Ma cinîyî tim raştê şidetî yenê. Wesayîtanê pêseran de ma vanê gelo do kamca ra paskulêk bidê ma ro. Seba pawitişê cuya xo ma qerar da ke atolyeyanê xopawitişî virazê. Hetêk ra cinîyî do xo bipawê û hetêna ra zî do xo 'ters' û 'nêbawerî' ra bixelisnê.”