Koordînasyonê PAJK’î derheqê Hulya Kule (Şevîn Bîngole) ya ke Eyaletê Erziromî de şehîd bîye de eşkerayîyêk daye û nê pare kerdî:

‘’Mucadeleyê Azadîya Kurdistanî semedê azadîye bi bedelanê girdan, fedakarîye, qehremanîye û  mucadeleyê bêhempayî rayîrê serkewtişî  de aver şino. Bi hezaran qehremanê bêhempayî yê nê mucadeleyî rayîrê cuya azade de bi ked, kesîye û rindîya xo  xeta felsefe û heqîqetî ya cuya ma bewlî kerde.

Fermandaranê  têgêrayîşê ma yê azadîye û artêşbîyayîşî ra embaza ma Şevîn Bîngole Eyaletê Erziromî de pêkewtişê bi artêşa Tirkî ya faşîsîte de bi şerkerdişêkê qehremankîyî şehdî bîye. Hemraye Şevîna ke semedê afernayîşê azadîya cînîyan mucadele kerdêne emirê xo dabi mucadeleyî û xeylî wareyanê eskerî û îdeolojîkî de aktîf ca girewt. Hemraya ma Şevîna ke  şar, welat û kulturê xo rê giredayeyîbî,  bi eşqê azadîye vera dişmenî mucadeleyo tuj dayêne mîyanê mîlîtananê  tarîxî de cayê xo girewt.

Hemraye Şevîne mucadeleyê xo yê dergî de her wareyo ke tede mende mîlîtanîyê PKK û PAJK’î bi mucadeleyêkê radîkalî aver berd. Embazanê xo rê nimûne bî û hemrayêka bi tewirê xurtî rayberîya azadîya cinîyan kerdêne bî. Her wext ça de mucadeleyê tujî hewcekerdêne ûca cayê xo girewtêne. Timûtûm tewirê xo yê biqerar, raybere û şerwane  ramotêne. Verê hêrişê dişmenî û polîtîkaya îmhaye de pawitişê şarê xo de wezîfeyê xo bi serkewtiş bica ard. Heme xebatanê xo de sey mîlîtanêk tewrbîyayîşo tewr aktîf ramot. Wareyanê şerî yê tewr germinan de sey fermandarêke tewr vernî de cayê xo girewt.

Rejîmê dewleta Tirkî ya îşxalkare ra  hesab yeno persayene û do persayîşê hesabî dewam bikero. Mucadeleyê azadîyê yê şarê Kurdî û cinîyan ê Kurdan kewto merhaleyê serkewtişî. Ma do xeta şehîdan de mucadeleyî gird bikerê û ser bikewê. Embazê ma  Amargi Zîlda, Bahoz Welat û Dijwar Zagros ê ke pîya bi hemraye Şevîne şehîd bîyî  ma şexsê înan de heme şehîdanê xo yad kenê û sozê azadîye û serkwtişî newe kenê û keyeyanê şehîdan û şarê xo rê serweşîye wazenê.’’