Reqa de sey her cayê cuye cinîyî sefanê asayîşî de zî rolêko gird kay kenî.

Azadkerdişê Reqa yê şerwananê QSDyî ra dima şar agêra herra xo û dest bi cuyeya neweye kerde. Cinîyan ê Reqayijan zî bi rêxistinbîyayîşî her cayê cuye de rayberîye kerde. Xelisnayîşê Reqa ra 15 rojî cuwa pê Hêzê Asayîşî yê Zereyî yê Reqa amebi ronayene û cinîyan zî tede cayê xo girewtbi. Cinîyî seba pawitişê bajarî, nuqteyanê kontrolî yê dekewtiş û vejîyayîşê bajarî de nobetî zî tepişenî.

Endema  Hêzê Asayîşî yê Zereyî Rîm El-Elî ard ziwan ke cinîyan dêsê tersî yê DAÎŞî rijnayî û heme cayê cuye de rayberîye kenî.

Endema  Hêzê Asayîşî yê Zereyî Buşra Umer El-Burcî zî vat ke bajarê înan o ke bi gonîya şehîdan ameyo azadkerdene, ê do heta peynî bipawî.

Îdarekaranê Cipersayîşî yê Hêzê Asayîşî yê Zereyî ra Menal El-Umere zî da zanayene ke ê seba halkerdişê meseleyanê cinîyan xebityenî û goreyê peymeyê komelî tê gêrênî.

Endema Hêzê Asayîşî yê Zereyî Kîfa Mehmure zî vat ke înan sere de zehmetîye ante la pede-pede xo resnayo û tesîrê zîhnîyetê camêrd-devletî ra xelisyayî.