Dewleta tirke ya îşxalkere 23ê tebaxe de Silêmanî de bi droneyê çekdarî wesayîtê rojnamegeran da bombayan ver. Hêriş de Gulîstane Tara û Hêro Bahadîn ameyî qetilkerdene. ROJIN do 5ê êlule de verê Konsolosxaneyê Iraqî yê Brukselî de qetilkerdişê wird rojnamegeran protesto bikero.

Çalakîya ke hetê Yewîya Rojnamegreran a Cinîyan ê Kurdîstanî (ROJIN) ra ameye organîzekerdene do roja pancşemeyî saete 15:00 de adresê Avenue Franklin Roosevelt 115, 1000 Bruxelles de bêro kerdene.

Eşkerayîya ROJIN de nêameyî vatene: ''Ma semedê protestokerdişê terorê dewletan û pawitişê heqê rojnamegerîye vengê xo berz kenê .Ma sey rojnamegeran ê kurdan semedê protestokerdişê qetilkerdişê 23ê tebaxe yê Seyîdsadiqî û yadkerdişê embazanê xo verê Konsolosxaneyê Iraqî yê Brukselî de yenê têhet. Ma semedê paştdayîşi ma hemmeslekanê xo  û heme dostanê xo pawenê.''