Bajarê Slothurnî yê Swîsre û bajarê Bremenî yê Almaya de cinîyan vizêr zî bi wesîleya 25ê Teşrîna Peyêne bi çalakîyan qirkerdişê vera cinîyan protesto kerd.

Solothurn  de Komunê Cinîyan ê Pinar û Meclîsê Cinîyan Aarau semedê protestokerdişê şîdetê dewlete-camêrdî yê vera cinîyanan çalakîyêke organîze kerde. Cinîyan derheqê babete vilawekî vila kerdî û mesajê xurtkerdişê têkoşînî da.

Bremen de zî bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Mîyanneteweyîye cinîyê ke ameyî qetilerdene bi çalakîyêke ameyî yadkerdene. Çalakîya ke verê Parlamentoya Bremenî de ameye kerdene de bale ameye antene şîdetê camêrdî yê vera cinîyan ser. Temsîlkaranê rêxisintananê cinîyan semedê pîlkerdişê paştdayîşî veng da.