Têgêrayîşê Azadîya Cinîyan ê Êzidîyan (TAJÊ) serê Fermanê 3yê Tebaxa 2014î dosyayêke amade kerde û dosya Mehkemeya Heqanê Merdiman a Ewropa, Wezîrîya Karanê Teberî ya Almanya, Serekwezîrê Iraqî û ê welatanê ke ferman sey jenosîdî qebul kerdo. Dosya de ame waştene ke wa sûcdarî bêrê muhakemekerdene.

Mektuba dosya de TAJÊ vist vîrî ferman de cerganê DAÎŞî Şingal de qirkerdişêko pîl kerdo, zafê ci doman û cinîyî 7 hezar merdimî remnayê. TAJÊ da zanayene ke hema zî aqîbetê 2 hezar û 500 kesan dîyar nîyo. 

TAJÊ mektube de vat: ''Fermanî 10 serrî xo pey de verdayî. Sebebanê fermanî ser o zaf cigêrayîşî ameyî kerdene. Nê mojnenê ke hema zî cergê DAÎŞî û faîlê bînî nêameyê muhakemekerdene û edalet zî nêameyo caardene. Komelê êzidîyan seba ke fermananê neweyan ra bixeliso û xo bipawo ganî edalet bêro caardene. Ganî cergê DAÎŞî û hemkarê înan mehkemeyan de bêrê muhakemekerdene. Seba ke raştîyî vindî nêbê û hesabê fermanî bipersîyo ma dosyayêke amade kerde. Ma şima ra wazenê ke bala xo bidê na dosya ser.''