Tevgêrayîşê Cinîyan ê Azadan (TJA) derheqê kampanyaya reşkerdişî ya medyaya îqtîdarî û destbendkerdişanê cinîyan de ewro beyanatêko nuştekî  da.

Beyanat de bale ameye antene qirkerdiş, teda, tecawuz, destbendkerdiş-tepiştiş, destsernayîşanê îqtîdarê AKP-MHPyî ser û ame vatene ke hemserekîye, Peymana Îstanbulî û heqê nafaka zî hedefê îqtîdarî de yê.

Beyanatê TJA wina yo: "Medyaya îqtîdarî ya ke derheqê ma de xeberanê viraşteyan kena, 25ê teşrîna peyêne ra ver têkoşîn û rêxistinbîyayîşê cinîyan o bihêz  kerd hedef. Zîhnîyetê îqtîdarî yo ke her roje cinîyan bi sucdarkerdişanê bêbingeyînan destbend keno wa bizano ke ma do teslîmê sîyasetê rantî, pederşahî, nîjadperestî nêbê. Ma do hêzê xo yê rêxistinbîyayîşî û bingeyî her ca de berz bikê."

TJA waşt ke destbendkerdişî cade bêrê qedînayene.