Grevê vêşanîye yê seba protestokerdişê tecrîdî ke hetê parlamentera HDPyî ya Colemêrgî Leyla Guvene ra 33 rojî yê yeno dewamkerdene, paştîdayîşê çalakîya ci her roje bi vêşîbîyayîş dewam keno. Aktîvîstanê TJAyî û Mayê Aşitî Wan de grevê vêşanîye yê 3 rojan da destpêkerdene.

Hemsereka HDPyî yê Bajarê Wanî Yadîşen Karabulake, hemsereka DBPyî yê bajarê Wanî Ayla Tarhane, parlamentera HDPyî ya Wanî Bedîa Ozgokçe Ertane, hemsereka şaredarîya DBPyî ya Edremîtî Rojbîn Çetîne, îdarekarê TUHAY-DERî û temsîlkarê KCDyî zî tewrbîyayîşê xo yê eşkerayîya çapemenîye ya grevê vêşanîye paştî dayî grevî.  

 ‘HETA KE WAŞTIŞÊ GUVENE BÊRÊ QEBÛLKERDENE’

Aktîvîstanê TJAyî ra Cazîye Dumane nê vatî: “Ma seba aşitî û demokrasî kîşta Leyla Guvene de yê û waştişê aye waştişê ma yê. Mucadeleyo ke birêze Guvene hemverê şidetî de dana zerrîya ma hemine de yo, zihnê ma de yo. Ma sey cinî seba paştîdayîşê xoverdayîşê birêze Guvene dest bi grevê vêşanîye yê 3 rojan kenê. Ma xoverdayîşê Guvene reyna silam kenê, heta waştişê Guvene bêrê qebûlkerdene do aktîvîteyê ma dewam bikerê.”