Endama Komelê Cinîyan ê Azadan ê Rojhelatê Kurdîstanî (KJAR) Werîşe Muradî 1ê êlula 2023yî de şaristanê Sine yê Rojhelatê Kurdîstanî de hetê hêzanê dewleta Îranî ra tepişîyabi. A di hewteyan nezaret de raştê îşkenceyî zî amebî.

Werîşeya ke bi serewedaritişî yena sûcdarkerdene 14 mengan ra nata zî Zîndanê Evîne yê Tehranî de tepişîyena.

Werîşe Muradî mektubêke şawit û da zanayene ke aye vera teda û dardekerdişî dest pê grevê vêşanîye yê bêwextî kerdo.

Werîşe vist vîrî ke dardekerdişê cinîyan se ra 35 zêdîyayê û destpêkê serre ra nata zîndananê Îranî de tewr tay 531 kesî ameyê dardekerdene. 

Werîşe Muradî vat: ''Bedelê ci se beno wa bibo, ma do nêverdê ke tepişteyê çêrî mabênê şer û waran de vindî bibê.''