Têgêrayîşê Cinîyan ê Kurdan ê Swîsre (YJK-S) derheqê 25ê Teşrîna Peyêne Roja Têkoşînê Vera Şîdetê Serê Cinîyan de eşkerayîyêke daye û bernameyê çalakîyanê xo eşkera kerd.

Eşkerayîye de ame parekerdene ke Swîsre de 2019 de 19669 maruzê şîdetî mendî, 29 cinîyî kişîyayî û 116 cinîyî zî birîndar bîyî.  YJK-Syî da zanayene ke ê do tewrê Kampanyaya '100 sebebê ke seba hukmkerdişê dîktatorî' ya TJK-E bibê. Eşkerayîye de polîtîkaya dişmenîya cinîyan a Erdoganî ameye vîrvistene û ame îfadekerdene ke polîs û leşkerê tirkî cinîyan ê kurdan rê tacîz, tecawuz û şîdet kenê.

YJK-Syî waşt ke 'qirkerdişê cinîyan asta mîyanneteweyîye de sey sûcê merdimîye bişinasîyê' û  venga pêro cinîyan da ke tewrê çalakîyanê înan bibê.

Bernameyê çalakîyanê YJK-Syî wina yo:

22ê Teşrîna Peyêne

Bern, Panel, Saete 13:00, Merkezê Komelê Demokratîkî yê Kurdan de

23ê Teşrîna Peyêne

Bi beşdarîya Zîlane Dîyar  panelêko online, Saete 20:30

25ê Teşrîna Peyêne

Basel, Rayraşîyayîş, Theaterplatz/Basel

Bern, Nawnayîş, Saete 17:30, Bahnhof Bern

Biel, Nawnayîş

26ê Teşrîna Peyêne

Solothurn, Nawnayîş, Saete 16:00, Meydanê 1ê Gulane de