Fermandarîya Hêzanê Pawitişî yê Cinîyan (YPJ) Berfîne Rizgara (Cîhane Misto) ke 18ê teşrîna peyêne de Eyn Îsa de şehîde bîye yad kerde, keyeyê ci rê serweşîye weşte û vat ê do gornîya şehîdan erdî de meverdê.

Eşkeryîye de nê zanayîşî ameye dayene: ''Berfîne Rizgara kobanêyije  keyeyêkê welatperwerî de bîye û 2024 de wexto ke çeteyanê DAÎŞî hêrişê Kobanê kerd pîya bi birayê tewrê sefanê YPJ-YPGyî bîyî. Embaza Berfîna ke wexto kilm de biyê xoverdayoxêka serkewte Kobanê de birayê ci tede bi seyan şehîdî bêmergîye rê kerdî raşt û sozê qesasgirewtişî da înan. Bi serkewtişê Kobanê sozê Berfîne ame caardene. Embaza ma Berfîna ke badê tecrubeyanê pîlan bîye fermandare xeylêk embazê ciwanî perwerde kedî.

Hemraya ma Berfîne sey serkewtişê Kobanê Dêrazor de qedîyayîşê DAÎŞî rê şahîdîye kerde bi destanê xo bi seyan cinîyê êzidîyî destê çeteyan ra xelisnayî. Embaza Berfîne senî ke Kobanê û Dêrazor de cepheyê vernî de têkoşîn kerd, tewr peynî de cepheyê Ebû Sira yê Eyn Îsayî de vernî de cayê xo girewt. Hela ke vera hêrişê dewleta tirke şarê xo pawitene tewrê kerwanê şehîdan bîye.

Ma sey YPJ soz danê keyeyanê heme şehîdan ke ma do qesasê şehîdan bîgerê. Ma do bi ruhê xoverdayoxî yê ebaza Berfîne wayîr wezîfeyanê dewrî bivejîyê û girêdayîşê xo yê şehîdan bi pîlkerdişê têkoşînî ramojne ke waştişê înan bêrê ca. Ma zî vanê ke Dem Demê Azadîye yo, ma heme bi ruhê seferberîye welat, ziwan û sîstemê netewa demokratîke ya xo bipawê.''