Komeleya Rojnamegeran a Dîcle-Firatî (DFG), Komeleya Rojnamegeran ê Cinîyan a Mezopotamya (MKG), DÎSK Basin-Îş, Komeleya Rojnamegeranê Modernan (ÇGD), Haber-Sen û Komeleya Rojnamegeran çarçewa Roja Azadîya Çapemenîye de verê Wezîrîya Edaletî de rayraşîyayîş kerd û eşkerayîye daye.

Înan pankarta bi nuşteyê ‘’Rojnamegerîye sûc nîya’’ akerde, fotografê rojnamegeranê ke qetil bîyê akerdî û sloganê sey ‘’Çapemenîya azade nêna bêvengkerdene’’ vatî.

Endama Heyetê Rayberdişî yê Basin-Îşî yê DÎSKî Îzele Sezer dîyar kerd ke tesadufî nîya ke Tirkîya babeta azadîya çapemenîye de rêzê 159inî de ya û bale ante sansur, teda û muhakemebîyayîşê rojnamegeran ser.

Îzele vat: ‘’Rojnamegerê ke beşdarê mîtîngan benê, rexneyan kenê yan zî xeberan teqîb kenê yenê bindestkerdene, tepişîyenê û cezaya hepsî dîyena înan. Rojnamegerîye sûc nîya.’’

Nameyê DFGyî ser o Selman Guzelyuzî ard ziwan ke çapemenîya azade do nêra bêvengkerdene.

Wekîla DEM Partî ya Amedî Ceylane Akça zî xebatkarê çapemenîye selam kerdî.