Paytextê Almanya Berlîn de Çekdar Botan (Adîl Sunger) û Lecwan Mûnzûr (Rûhat Tabak) yê ke Hezîran a 2016’î de hêrişê hewayî yê artêşa tirke yê vera Qendîlî de şehîd bîyî, ameyî vîrardene.

Vîrardişo ke Lokarê Merkezê Kurdîstanijanê Azadan ame organîzekerdene sîyasetmedara kurde Zozane Serhat qisey kerd. Serhate vat: ''Çekdar û Lejwan ke semedê rojanê azadan têkoşîn kerd  bîyî sembolê ciwananê Ewropa.'' Bi nameyê komîyonê keyeyanê şehîdan zî Guzele Calkan qisey kerd. Calkane vat: ''Ciwanê rêxitenkerdeyî estbîyayîş û ameyoxê ma yê. Ma do têkoşînê şehîdan bîdê ciwîyayene û waştişê înan bîyarê ca.''