Kurdîstanijan çalakîya ke 25ê çeleyî de verê Ofîsê Neteweyanê Yewbîyayeyan (NY) yê Cenevre de dayebî destpêkerdene rîyê Korona ra mabên dabi ci. Çalakîye ewro reyna dest pêkerde û do her roja çarşeme bêro domnayene.

Kurdîstanijê ke saetanê serê sibayî de xeyma xoverdayîşî de ameyî têhet mîtîngêk viraşt. Çalakwanan peyê xo kerd NYyî û bi çalakîya sembolîke bêvengîya înan ya vera waştişanê kurdan rê nêrazîbîyayîş ramojna.

Çalakîye de ame vatene ke Hemleya 'Tecrîd, faşîzm û îşxalî rê bes o; wext wextê azadîye yo' hetê gerîlayan, zîndanan û kurdîstanijanê ke Ewropa de yê ra yena wayîrvejîyayene û xoverdayîşêk vejîyayo werte. Çalakwanan ard ziwan ke ê do heta serkewtişî mucadeleyî her tim pîlêr bikerê.

Reyna bale ameye ser antene  ke çarçewa hemle de Neteweyanê Yewbîyayeyan rê nizdê 10 hezar mektubî ameyî şawitene û ame vatene ke heta ke Swîsre de kampanyaya mektuban ra netîce bêro girewtene do xebatê înan dewam bikerê.

Çalakîya bine ya roja çarşemeyî de do şehîdê Garê Xabûr Dêrik bêro yadkerdene.