Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye dayebî destpêkerdene. Çalakîye  hetê kurdîstanijanê ke Hollanda ra ameye ra yena domnayene.

Çîya Ozkano ke Hollanda ra tewrê çalakîye bîyo semedê tewrbîyayîşê çalakîye veng da û vat: ''Ewropa û Tirkîya şuxulnayîşê çekanê kîmyewîyan ê vera gerîlayan de hemkarîye kenê. Seba ke embazê ma vera naye vejîyayî bi desan kesî ameyî destbendkerdene. Ganî embazê ma ke ameyî tepiştene û destbendkerdene cade bêrê veradayene.''

Şîyar Amedo ke o zî Hollanda ra ameyo vat: ''Ez serede xoverdayîşê Rayber Apoyî selam kena û hêzanê komplokeran ê mîyanneteweyî şermezar kena. Tecrîd sey leteyêkê komployî dewam keno. Ma sey ciwanan her ca de vera polîtîkayanê ke vera Rayberîya ma yenê rayraberdene xover danê. Ma do faşîzmê dewleta tirke her ca de teşhîr bikerê. Azadîye Rayberîye azadîya cinîyan, ciwanan û şaranê bindestan a. Coka têna semedê şiktişê tecrîdî nê ganî semedê azadîya fîzîkîye ya Rayberîye têkoşîn bêro pilkerdene.''