Grûba Dostîye ya Kurdan a Parlamentoyê Ewropa ra François Alfonsi, Andreas Schieder û Nikolaj Villumsenî veng da ke wa derheqê çekenê kîmyewîyan ê ke dewleta tirke Başûrê Kurdîstanî de şuxulnena wa cipersayîşê mîyanneteweyî bêro kerdene.

Endamanê Parlamentoyê Ewropa ke eşkerayîya hempare ya çapemenîye daye bale ante ser ke Başûrê Kurdîstanî ra bi seyan parlamenter, rojnameger, roşnvîr, nuştox, aktîvîstê heqanê merdiman û endamê komelê sîvîlî vanê ke dewleta tirke erdê înan de çekanê kîmyewîyan şuxulnena û hetkarî pawenê.

Eşkerayîye de ama vîrardene ke şarê herême  Sekreterê Pêroyî yê Neteweyanê Yewbîyayeyan, Rêxitina Qedexekerdişê Çekanê Kîmyewîyan û Ofîsê Karanê Bêçekekerdişî yê NYyî ra wazeno ke derheqê babete de wa komîsyonêk wezîfedar bikerê û veng da ke wa cade  waştişê înan bêro ca û cipersayîş bêro kerdene.

Endamanê Parlamentoyî ard ziwan ke polîtîkaya Tirkîya ya vera Rojawan û Başûrê Kurdîstanî çend şina xidare bena û huqûqê mîyaneteweyî bi hewayêkê sîstematîkî binpay kena û vat eke cade mudaxaleyêko xurt û lezkanî mero kerdene do rewşe xirabêre bibo.

Eşkerayîye de ame vatene ke ganî dezgehê mîyanneteweyî semedê cipersayîşî heyetêk bişawê.