Xoşnav Atayo ke 2 birarkênayê ci Gulperine û Mihribane Ata hêrişanê kîmyewîyan ê dewleta tirke de şehîd bîyê, vera hêrişanê kîmyewîyan ê dewleta tirke verê Rêxistina Qedexekerdişê Çekanê Kîmyewîyan (OPCW) çalakîye dabî destpêkerdene.

 Atayî serrgêra çalakîya de çalakîya xo bi eşkerayîye qedînaye. Temsîlkarê xeylêk dezgehan tewrê eşkerayîye bîyî. Endamê KNKyî Zubeyîr Aydar û Temsîlkarê Îdareyê Xoserî yê Ewropa Abdullhkerim Omerzî eşkerayîye de cayê xo girewt.

Xoşnav Atayî vist vîrî ke çalakîya ci ya verê OPCWyî serrêke xo dima verdaye û vat:  ''Hêvîya ma bibî, waştişê ma yê pêvînayîşî bibi la nêameyî ca. Şarê ma wayîrê çalakîye vejîya. Ez ewro tîya çalakîye qedînena la têkoşîn do dewam bikero.''

Eşkerayîye de nê ameyî vatene: ''Dewleta tirke verê çimanê dinya de vera gerîlayan çekanê qedexeyan şuxunena û dezgehê eleqedarî vera nê hêrişan bêveng ê. OPCW vano têna eke dewletêka endamê Neteweyanê Yewbîyayeyan muracat bikero, ê eşkenê derheqêçekanê kîmyewîyan de cipesayîş bidê destpêkerdene. Yanî seba ke dewleta ci çîn a heqê 40 mîlyon kurdan çîn o ke xo bipawê.Eke OPCWyî heta ewro goştarîyê vendayîşê cigêrayîşî bikerdêne û berpirsîyarîya xo biardêne ca, birarkênayê mi û qûrbanê bînî xelisîyayêne. Gerek vera nê sûcê merdimîye bêveng nêro mendene. Wa dezgehê eleqedarî yê Ewropa vengê xo vejê ke verê nê hêrişan bêro girewtene.''

Gulperîne Ata bi nameyê kodî Binevşe Agal 23-25ê gulane de warê Kurojarohî yê Zapî de Mihribane Ata bi nameyê kodî Jînda Gabar zî 5ê kanûna 2021yî Dêrsim de şehîd bîyî.