Efrîn bi zeytûnanê xo namdar o. Herêma Efrînî ya Rojawanê Kurdîstanî ya ke binê îşxalê dewleta tirke de ya, nika wextê arêdayîşê zeytûnan o.

Efrîn de îşxalê dewleta tirke ra nata bi se hezaran zeytûnêrî birîyayî. La hema zî tay dewanê Efrînî de zîretê zeytûnan dewam kenê. Nê dewan ra yewe zî dewa Zîyaretî ya qezaya Şêrawa ya.

Dewleta tirke ya îşxalkere rixmê komanê xo yê çekdaran dewe dana bombayan ver. La dewijî qerardar ê ke xo ver bidê û wareyê xo de biciwîyê. Dewa Zîyaretî de nika wext wextê arêdayîşê zeytûnan o.

Dewijan ra Îbrahîm Xelîlî dîyar kerd ke wextê arêdayîşê zeytûnan nêmeyê menga teşrîna verêne de dest pêkeno û vat: ''Seba ke zerar nêreso gilan ser ma bi hesasîyetî zeytûnan arê danê.

Xezalê Mihemed zî vist vîrî ke cergê dewleta tirke 5 serrî verî kewtî mîyanê zeytûnêranê înan, dewa înan îşxal kerda la di serrî verî hêzanê YPG û YPJyî dewe azad kerda. Xezalê Mihemed îfade kerd ke hînî ê wareyê xo de, mîyanê zeytûnêranê xo de yê. Xezalê vat 3 rojî yo ke înan dest pê arêdayîşê zeytûnan kerdo.