DADî Çimeyanê Munzurî ra veng da: No talan vindarnê

Pîranê elewîyan, îdarekar, endam û Hemserekanê DADî bi wesîleya menga Muharremî Baba Munzur û Jîyargeyê Ana Fatma zîyaret kerdî û waşt ke projeyê talanî yê Çimeyanê Munzurî wa bêro vindartene.

Pîranê elewîyan, îdarekar, endam û Hemserekanê Komeleya Elewîyan a Demokratîke  (DAD) bi wesîleya menga Muharremî Baba Munzur zîyaret kerd û çirayî vistî ta.

Qiseykerdoxan vera projeyê peyzajî yê Çimeyanê Munzurî nêrazîbîyayîşê xo mojna û vat: ''Ziwan, kultur û cografyaya ma yenê talankerdene. Wa projeyê peyzajî cade bêro vindartene.

Hemserekanê DADî Saîme Topçu û Musa Kuluyî endam û îdarekaran reyde Jîyargeyê Ana Fatma zî zîyaret kerd û çirayî vistî ta.

Hemsereka DADî Saîme Topçu jîyarge de wina dua kerd: ''Ya Ana Fatma ma kewtî a rewşe ke ewladê to bîyî bênûr û bêpîr. Bawerîya ma ya Rêya Heqî, ziwan û kulturê ma na cografya de talan benê. Ti ma rehm û şefqatê xo ra dûr megêre.''


Nîyazî ra dima loqmayî ameyî vilakerdene.