Vakurê Kurdîstanî û Tirkîya de krîzê ekonomîkî reyde krîzê xoza zî esto. Wan de zî xoza bena qurbana polîtîkayan ê şaşan ê îqtîdarê AKP-MHPyî.

Tayê cayanê Gola Wanî de awe ziwa bîye. Gola Sixkî zî bi temamî ziwa bena. Gola Sixkî ya qezaya Rêya Armûşî ya Wanî ya ke sey warê cuye yê gandaran  şinasîyeno, serranê peyênan de awa ci zaf kêmîyaye.

Aktîvîstê Têgêrayîşê Edkolojî yê Mezopotamya Vahap Işikliyî ziwabîyayîşê Gola Wanî û Gola Sixkî ercna û vat: ''Wan de awa 12 çeman herikîyena Gola Wanî. 2 serran ra nata ziwatîyêka pîle esta. Peyê na ziwatîye de HESî estê. Cografyaya ma ser de awbendî virazîyayî. Yeno waştene ke 'vera ziwatîye' 2023 de zî 150 awbendî bêrê awankerdene. Labelê nê awbendî do binê erdî heps kerd.''

Işikliyî da zanayene ke goreyê Ofîsê Meteorolojî yê Dinya ziwatîya ke hezîrana 2020î de dest pêkerda, heta hezîrana 2022î dewam bikera. Işikliyî vat: ''Ewropa û tîya de ziwatîye asta tewr berze de ya. Varayîş kêmîya. HESan û awbendan ra çem û golî ziwa benê. Gola Wanî binê tesîrê polîtîkayan ê xiraban de ya. Ganî vera ney bi lezî selahîyetdarî têbigêrê.''