Penîrê şewaqan dezgehan de yo
Penîrê şewaqano ke weşîyanê Vakurê Kurdîstanî ra yew o, pê dest û keda cinîyan yeno viraştene û çimeyêkê esnafan û ê cuya şarî yo.
Penîrê şewaqan ê Wanî hem seba şarê Wanî hem zî seba esnafanê Wanî çimeyêko cîya yo.
Penîrê Wanî pê vaşanê xozaya Kurdîsyanî yeno viraştene. Penîrê şewaqan pê ked û destê dadîyan yeno viraştene û tede vaşê sey kekîk, pûne, sîr estê. Penîro ke yeno viraştene sere de şaristananê Vakurê Kurdîstanî şaristananê Başûrê Kurdîstanî û Tirkîya rê û welatanê cîyayan rê yeno erşawitene.
Seba ke no penîr tewr zaf serrewextanê payîz û hamnanî de yeno viraştene nê wextan de vaya ci bena ercanêr. Payîz û hamnan de kîloyêkê penîrê şewaqan qasê 10-15 TLyî yeno rotene la menganê zimistanî de kîloyêkê ci beno 30-40 TL. Coka şarê Wanî hamnan yan zî wisar de penîrê xo virazeno û zereyê bîdonan de binê erdî de yan zî pê awa soline wedareno.
