Çemê Bendîmahî robaro tewr gird o ke rişîyeno Golê Wanî ro, rîyê HES, awbend û golekan ra bi zuwa û ganî ke tede bî merdî.

Golê Wanî ke golo  bisoda yo tewr gird ê dinya yo xeylêk rodarî yê gird û wirdî rişîyenê ci. Qezaya Erdîş de Zîlan û Delîçay; Bêgîr de zî Bendîmahî rişîyeno. Robaro tewr gird ke rişîyeno golî yê Bedîmahî yo.

Çemê Bendîmahîyo ke xorîyîya ci 2 metre ya seba ke serê ci de rîyê rantî ra HES, awbend û golekî ameyî viraştene hema hema ameyo merhaleya zuwabîyayîşî. Zuwabîyayîşê çemî bi sebebê merdişê bi seyan ganîyan.

Çirra Muradîye ya ke sey rindîya xoza ya Kurdîstanî yena zanayene a zî rîyê HESan ra na taybetîya xo vînî kena. Çirra Muradîye ya ke serê Çemê Bendîmahî de ya rîyê HESan ra awa ci bîya kêm ê. No zî turîzm ser o tesîr keno ke çimeyê debarê şarî yo.

Seba ke awa Çemê Bendîmahî kêmîya ya û newale wişk bîya gerek Karê Awe yê Dewlete  (DSİ) semedê ganîyan awe verado.La DSi seba ke awa HES û awbendî roşeno, ganîyan rê awe veranêdano.