Kitabê Rayberê Şarê Kurdî Abdullah Ocalanî ‘‘Medenîyeto Kapîtalîst: Homayê bimaskeyî û dewrê qiralanê nimteyan‘‘ yo ke newe Almankî ameyo açarnayene, fûarê kitaban ê Leîpzîgî yo ke fûaranê muhîman ê Almanya ra yew o, de do bêro nasdayene.
Kitabê Rayberê Şarê Kurdî Abdullah Ocalanî ‘‘Medenîyeto Kapîtalîst: Homayê bimaskeyî û dewrê qiralanê nimteyan‘‘fûarê kitaban ê Leîpzîgî de do bêro nasdayene.
Reîmer Heîder o ke cuwa ver cildo verên ê kitabê Rayberê Şarê Kurdî Abdullah Ocalanî ‘‘Manîfestoyê Cimatê Demokratîkî‘‘ açarnabi Almankî, narey zî cildo diyîn ‘‘Medenîyeto Kapîtalîst: Homayê bimaskeyî û dewrê qiralanê nimteyan‘‘, ” (Die kapitalistische Zivilisation: Unmaskierte Gotter und nackte Konige) açarna. Kitab roşanê Newrozî de ewro reseno wendaxonê xo yê Almanan. Kitabo ke hetê weşanxaneyê Urastî ra ameyo weşanayene ewro do fûarê Leîpzîgî yo mîyanneteweyî de bêro nasdayene. Fûarê kitaban ê Leîpzîgî yo ke fûaranê muhîman ê Almanya ra yew o û ewro dest pêkeno de bi açarnayoxê kitabî Reîmar Heîderî do aktîvîteyêk bêro viraştene.
Aktîvîteyo ke kitabê Ocalanî ra tayî cayî do bêrê wendene “Halle 5, Stand E404” do saet 11.30 de bêro destpêkerdene. Fûaro ke emser do giranî de bale biancîyo serê Çekya de 46 welatan ra kibatî yenî ramojnayene. Festîvala ke do 3600 aktîvîteyî bêrê viraştene de yeno pawitene ke heta roja Yewşeme nizdê 300 hezar kesî zîyaret bikerê.
