Endama MYKyî ya HDPyî Zubeyde Zumrute semedê çalakwananê destbendkerdeyan îzahetê çapemenîye da. Zumrute va ke "Kam ke vazeno çare bivîno ganî Ocalanî dir masaye de ronişo."

Çalakwanê ke rêxistinê bajarê HDPyî yê Amedî de seba paştîdayîşê Leyla Guvene grevê vêşanîye de bî û ameyî destbendkerdene seba înan îzahetê çapemenîye ame dayene.

Îzahetê çapemenîye verê banê HDPyî de virazîya. Îdarekarê bajarî û qezeyan ê HDP û DBPyî zî îzahetê çapemenîye rê beşdar bî.Wextê çalakîye de dormaleyê banê HDPyî hetê polîsan û wesayîtanê înan ra girîyayî binê ablûqa.Zubeyde Zumrute va "Eger ke şima çare wazenî ganî şima Ocalanî dir masaye de ronişê.‘‘ Endama MYKyî ya HDPyî Zubeyde Zumrute nê vatî: "Nê hêrişî yew hêrişê zaf giran ê. Dînya de yew welatî de wina hêriş nêbeno labelê Tirkîya de her wext beno. Tirkîya hêrişê heqê merdiman kena. Ma naye qebul nêkenî."

Zumrute wina dewam kerd; "Leyla Guvene semedê wedartişê tecrîdê serê Ocalanî dest bi grevê veyşanîye kerd. Oyo ke Guvene wazena ma zî eynî çî wazenî; ganî nê waştişî bi leze bîyarî ca."

Hemserekê DBPyî yê bajarê Amedî  Îbrahim Çîçek zî wina va; "Vizêr asayîşê Amedî semedê zabitnameyê çalakwanan veng da ma. Di tenî îdarekarê ma şî emnîyetî la polîsan nê embazê ma zî destbend kerdî.Nameyê  îdarekaranê HDPyî yê destbendkerdeyan wina yê: Ramazan Kaval û Mustafa Akengin.

Ê ke ameyî destbendkerdene nameyê înan wina yê: Sertîp Yetîş, Murat Kiliç, Hasan Oyan, Mehdîye Kartale, Savaş Babur, Tevfik Kaçar, Mehmet Yaman, Sakîne Karadenîze, Latîf Emînoglu, Nazim Ocal, Mehmet Şirin Karakaş, M. Şirin Daşlik, Giyasettîn Duman, Mensur Ekdemîr, Ahmet Balci, Kenan Kaydul, Velî Mutlu, Fatîh Kagan Arslan, Fesîh Balbey, Kemal Baran, Salîh Peksoy, Medenî Hazar, Mehmet Ateş, Hayrî Etyemez, Mehmet Alî Altunkaynak, Husnu Aslan, Fahrî Kaplama, Sabahattîn Kurt, Faruk Altun, Mehmet Taş, Şahîn Kabaîş, Alîşan Bînen, Mehmet Abîdîn Kahraman, Alî Yilmaz û Nurettîn Bakan.