Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Hemleya Şorişgêre ya Şehîd Savaş Maraşî yê Cengê Xebûrî  

26ê tebaxe de Girê Şehîd Pîrdoxanî yê Warê Xoverdayîşî yê Amedîyê de îşxalkerî bi çalakîya bikoordîne ameyî pirodayene. Çalakîye de 4 mewzîyî ameyî îmhakerdene û 10 îşxalkerî ameyî cezakerdene û 2 îşxalkerî zî birîndar bîyî. Gama ke hemerayê badê çalakîya serkewtîye agêrayêne raştê hêrişê hewayî ameyî û nê hêrişî de hemraya ma Ronahî Devrîm şehîde bîye.

Nasnameyê hemraya ma Ronahî ya ke şehîde bîye wina yo:

Nameyê Qodî: Ronahî Devrim Name û Peyname: Berfîne Serhatli Cayê Bîyayîşî: Wan Maye-Pî: Fatma – Ferhat Tarîx û Cayê Şehadetî: 26ê Tebaxa 2022yî / Herême Pawitişî yê Medya

Hemraya Ronahî Wan de yana dinya û keyeyêkê welatperwerî de bena pîl. Hemraya ma Ronahîya ke verî xebatanê ciwanan de ca gena bado ke çeteyanê DAÎŞî hêrişê Şingal û Rojawanî kerd 2015 de Bazîd de tewrê sefanê gerîlayan bena û dima ra Herêmanê Pawitişî yê Medya de perwerde vînena. 

Hîrê serrî Heftanîn de falîyet rayra bena û xo her hetî ra aver bena. Akedemîya Şehîde Bêrîtane de perwerde vînena û dima ra hende di serran hem hemrayanê xo rê fermandarîye kena hem zî perwerdeyê înan rê eleqedar bena.

Hemraya ma Ronahî sey fermandarêka YJA Starî tewrê xebatanê merkezî bena.  2021 de verê xo dana Avaşînî ke qesasê embzanê xo îşxalkeran ra bîgêro. Avaşîn de xeylêk çalakîyanê serkewteyan de ca gena û derbeyanê pîlan dana dişmenî ro.

Hemraya ma Ronahîya ke bi hewayêkê qehremankî şer kerd û şehîde bîye do semedê hemeraynê xo tim serkêşîye û fermandarîye bikero. Ma keyeyê erjîyayeyî yê hemraya xo Ronahî û şarê welatperwerî yê Kurdîstanî rê serweşîye wazenê û soz danê ke ma do waştişê şehîdan bîyarê ca.

30  tebaxe de Warê Xoverdayîşî yê Girê Amedîyê de helîkotperê skorskyî ke hetê hêzanê ma ra ame derbkerdene û mecbur mend ke peyser agêro.

Zap

30ê tebaxe de Warê Xoverdayîşî yê Çemçoyî de helîkopterêk hetê hêzanê ma ra ame hedefgirewtene û mecbûr mend ke herême ra bikewo dûrî. Warê Xoverdayîşî yê Sîda de zî helîkoperêkê hêrişî ame derbkerdene û warî kewt dûrî.

Xakurkê

30 tebaxe de Warê Xoverdayîşî yê girê Şehîd Derwêşî de îşxalkerî pê çekanê giranan ameyî pirodayene. Îşaxlkerê ke dormeyê cepilxaneyî de ameybî pêser hetê hêzanê ma yê YJA Starî ra ameyî pirodayene. Çalakîye de 6 îşxlakerî ameyî cezakerdene û cepilxane ame îmhakerdene. Badê çalakîye cepilxane de têdima teqayîşî ameyî meydan.''

Bombarduman

Artêşa tirke ya îşxalkere 30ê tebaxe de mewzîyê şerî yê Warê Xoverdayîşî yê Girê Cûdî, Saca, Şikefta Birîndara  bi bombaya nuklere û çekanê kîmyewîyan dayî bombayan ver. Reyna Warê Xoverdayîşî yê Şikefta Birîndara û Werxelê de îşxlakeran kerd ke mewzî û tunalenê şerî pê kepçeyan birjno.  Îşxalkeran kutikî zî şawitşî la kutikî nêkewtî tunelan. Hetê bînî ra Warê Xoverdayîşî yê bînî zî pê teyarayanê şerî û helîkopteranê hêrişî dîyayî bombayan ver.

Xabatê rayîrî yê PDKyî dewam keno

Hêzê PDKyî Warê Xoverdayîşî yê Girê Amedîyê de pîya bi dewleta tirke rayîr virazenê. Leşkerê tirkan hêzanê PDKyî koordîne kenê.