Îşxalkerî hêrişanê xo rê dewam kenê, gerîlayî xo pawenê
Artêşa tirke ya îşxalkere hêrişanê xo yê vera Herêmanê Pawitişî yê Medya rê bêmabên dewam kena. Gerîlayan çarçewa xopawitişî de cewab da tay hêrişan û 2 îşxalkerî ceza kerdî.
Merkezê Îrtîbatî û Çapemenîye yê HPGyî derheqê hêrişanê artêşa tirke ya îşxalkere de eşkerayîyêke daye. Eşkerayîye wina ya:
''Herêma Xakurkê de;
13ê gulane de îşxalkeran pê hawan û obusan hêrişê Girê Şehîd Heqî û Girê Şehîd Kamûranî kerd. Hêzanê ma çarçewa xopawitişî de cewab da nê hêrişan.
13ê gulane de îşxalkeran hêrişê Girê Şehîd Axînî kerd. êzanê ma çarçewa xopawitişî de cewab da nê hêrişan û tay pêkewtişî qewimîyayî. Netîceya nê pêkewtişan de 2 îşxalkerî ameyî cezakerdene.
Hêrişê artêşa tirke ya îşxalkere;
13ê gulane de Girê Bihar û warê Golka yê Metîna pê teyarayanê şerî 4 reyî dîyayî bombayan ver.
13ê gulane de Girê Şehîd Heqî, Girê Şehîd Kamuran, Girê Axîn yê Xakurkê û mewzîyê xoverdayîşî yê Girê Bahar, Girê FM, Girê Cûdî, Girê Amediyê û Sîda 17 reyî pê obus, tank û çekanê giranan dîyayî bombayan ver.''
