Dewleta tirke ya îşxlkere perey bi droneyê çekdarî hêrişê Kampa Multecîyanê a Şehîd Rustem Cûdîyî (Mexmûr) kerd. Netîceyê hêrişî de Ebû Zeyd Abdulah Ubeydo ke şehîd bibi, vizêr pê merasîmêkê biheybetî ame definkerdene.

Cenazaya Ubeydî bi sloganan nêweşxane ra ameye girewtene û Merkezê Huner Kulturî yê Mexmûrî de merasîmêk ame kerdene. Pîya bi merdimanê Ubeydî bi seyan kesî tewrê merasîmî bîyî.

Hemsereka Meclîsê Şarê Demokratîkî yê Kampe Fîlîze Budak şexsê Ebû Zeyd Abdullah Ubêydî de heme şehîdî yad kerdî û vat ê do qesasê şehîdan bigêrê. Budake vat: ''Dewleta tirke ya îşxalkere, Keyeyê Barzanî û Iraq wazenê ma rê çok bidê dayene. Hêrişê vera hemrayê ma zî leteyê nê sîyasetî yo. Ma hende bedelî dayî, gonî rişnaya, hinda mumkun nîyo ke ma peyser game bierzê. Ma îxanetê şehîdanê xo nêkenê. Wazenê pê nê hêrişan ma bitersnê la ma çend bedalan danê hende hêzdar benê. Pawitişê komelî wesîyetê şehîdanê ma yo. Vera hêrişan wayrîvejîyayîşê Mexmûrî deynê milê ma yo. Xayînê ke mîyanê ma de yê ganî destê înan bişikinê.''

Kênaya Ebû Zeyd Abdulah Ubeydî zî vat  babîyê ci şehîdê şarê kurdî yo û a pê babîyê xo sereberz a.

Sultane Yildiztan zî bi nameyê Komîteya Keyeyanê Şehîdan vat ê do heta peynî tim wayîrê şehîdan vejîyê û rêçê înan ra şirê.