Vizêr droneyê çekdarî yê dewleta tirke ya îşxalkere hêrişê Kampa Multecîyan a Şehîd Rûstem Cûdîyî Mexmûr) kerdbi û netîceya hêrişî de Ebû Zêyd Ebdullah Ubeyd şehîd bibi.

Cenaza seba otopsî wedarîyabî Nêweşxaneyê Mûsilî. Otopsî ra dima konvoyê bi seyan wesayîtan cenazaya Ubeydî apey arde Kampa Mexmûrî. 

Şarê Mexmûrî dekewtişê kampe ra heta Camîyê Semta 3yî konvoyî ra pey pê sloganan şi. Wecîbeyanê dînîyan ra dima cenaza wedarîyaye nêweşxaneyê kampe. Hemserekê Meclîsê Şarî yê Mexmûrî Yusif Karayî tîya de eşkerayîyêke daye û da zanayene ke seba ke ferdê keyeyî tewrê merasîmê definkerdişî bibê, cenaza ewro do bêra definkerdene.

Girse slogananê sey 'Şehîdî nêmirenê' û 'Bimiro îxanet' ra dima vila bi.