Perey dewleta tirke Kampa Serdeştî ya  Şingalî dabî bombayan verê. Meclîsê Xoserîya Demokratîke ya Şingalî derheqê hêrişan de vizêr eşkerayîye daye.

Eşkerayîye hetê Hemserekê Meclîsê Şarî yê Digurî  Heci Hecemî ra ameye wendene. Hecemî hêrişê dewleta tirke yê vera Rojawan, Şingal û Başûrê Kurdîstanî şermezar kerdî û vat: ‘’Ma sey şarê Şingalî leteyêkê Iraqî yê.Rixmê naye Iraqî ma sey hemwelatî qebul nêkerd û wayîrê ma nêvejîya. Inkey zî dewleta tirke her ca de hêrişê herra Iraqî kena, şarê sîvîlî hedef gena û serdestîya Iraqî binpay kena. Ma veng danê berpirsîyaranê Iraqî ke wa berspirsîyarîya xo bîyarê ca nê hêrişan vindar nê.

Ma sey şarê êzidîyan verê çimanê dinya de yenê qetilkerdene. Nê prosesî de qet çew wayîrê ma nêvejîya. İnkey zî ma hedefê hêrişanê dewleta tirke de yê. Wa hinda verê nê hêrişan bêro girewtene.  Ma sey şarê Şingal û êzidîyan xo rêxistin kerd û hêzê xo yê pawitişî înşa kerdî. Ma do na xeta cameverdê û heta peynî têkoşîn bikerê.’’