Gerîlayanê HPG û YJA Starî bi wesîleya Newroze ANFyî rê qisey kerd. Gerîlayan vat ê sey fedayîyanê şarê kurdî do çirey vera zilmî û polîtîkayanê qirkerdişî milê xo çewt nêkerê.

Gerîlayê HPGyî Ramîn Lek: Dişmen çend hêriş keno wa bikero, xoverdayîşê ma do dewam bikero. Gerîlayê azadîye tim bi xoverdayîşê xo destanan nusenê. Kawayê Asinkarî ra nata Newroze vera zilmî serewedaritiş o. Rojhelat û xeylêk cayanê dinya de vera sîstemî serewedaritişî est ê. Nê serewedaritişî muhîm ê, semedê ma bimbarek ê. Verê ma de Hewteyê Qehreman est o. Ma do rêça qehramanê xo de xoverdayîşê xo bidomnê.

Gerîlayê HPGyî  Rizgar Amanos: Newroze semedê ma serewedaritiş o. Senî ke Kawayê Asinkarî vera Dehaqî sere dart we, Kawayê Hemdemî Mazlûm Doganî zî Zîndanê Amedî de vera zilmî sere dart we. Nika mewzîyan de hemrayê ma rêça Kawayî de tradîsyonê xoverdayîşê Newroze domnenê. Kawayê roja ma gerîlayê azadîye yê  ke vera Erdoganî sere dart we. Ma do sey fedayîyanê şarê kurdî do çirey vera zilmî û polîtîkayanê qirkerdişî milê xo çewt nêkerê. Semedê Rayberîye û hemrayê ma yê ke tunelan de şer kenê, gerek ma têkoşînî xurtêr bikerê.

Gerîlaya YJA Starî Raperîne Zinar: Gama ke  ma qala Newroze kenê  Mazlûm Dogan û şehîdê ma yê ke rêça ey de şîyî embaze Zekîye, Bêrîvane, Ronahî û Rahşane yenê vîrê ma. Nê hemrayê ma bîyî sembolê Newroze. Ewro Zap, Avaşîn û Metîna de bi ruhê xoverdayîşê Mazlûm, Rahşane û Zekîyeyan têkoşîno xurt yeno dayene. Ma sey gerîlayanê Apoyîyan reyna vanê, nê koyan de çirey adirê Newroze do nêşiro hewna. Ma do vera Dehaqanê zaliman ê roja ma, têşînayîşê beyraqa azadîye rê dewam bikerê.