Gerîlayanê HPG û YJA Starî roşanê Newroze yê Rayberê Şarê Kurdî Abdullah Ocalan û şaranê Rojhelatê Mîyanênî pîroz kerd û vat  êd do serra 2023yî de têkoşînê azadîye bikirişê merhaleya tewr berze.

Gerîlayê HPGyî Rojhilat Qehreman: Ez şexsê Mazlûm Doganî de heme şehîdanê şorişî, bihurmet yad kena. Ma sozê serkewtişî yo  ke dayo şehîdan, newe kena.  Ma do bi xurtkerdişê têkoşînî azadîya fîzîkîye ya Rayberê Şarê Kurdî Abdullah Ocalanî bîyarê ca.

Gerîlaya YJA Starî Tekoşîne Cûdî: Ma prosesê zehmetî ra ravîyarenê. Têkoşîno gird yeno dayene û bedelê giranî yenê dayene. Bi ruhê xoverdayîşî yê Mazlûm Doganî vera dişmenî têkoşîno gird yeno rayraberdene. Ma do emser têkoşînî girdêr bikerê. Wext, wextê azadîya Rayber Apo û şarê kurdî yo. Xeyrê Rayber Apoyî Newroze resaye manaya xo ya raşte û şarê kurdî wina bi ruhê xoverdayîşî pîroz keno. Ma sey cinîyan xoverdayîşê Rayber Apoyî silam kenê. Vera dişmenê ke wazeno kurdan îmha bikero, 50 serrî yo têkoşîno bêmabên yeno dayene ke serkêşîya ci Rayber Apo keno. Waştişê ma oyo ke ma têkoşîno ke Rayber Apoyî dayo destpêkerdene, bi serkewtişî tacîdar bikerê.

Gerîlaya YJA Starî Rûkene Kobanê: Serra 2023yî semedê do biba serra tekoşîn û xoverdayîşî tewr girdî. Ez hêvî kena ke Newroza emserî bibo wesîleya azadîya şaranê Rojhelatê Mîyanênî û semedê mexdûranê erdlerzî biba hêvî. Ma dejê mexdûranê erdlerzî pare kenê. Roşanê Newroze yê heme keyeyanê şehîdan pîroz kena. Gonîya hemrayanê ma do erdî de memano. Ma do dişmenî ra qesas bîgêro, wa şikê çewî/e çînêbo.