Asayîşê Silêmanî bi eşkerayîyêka nuştekîye pare kerd ke kiştoxê Endama Merkezê Cigêrayîşî yê Jineolojî Nagîhane Akarsel bi hetkarîya Asayîşê Koy tepişîyayo.

Eşkerayîye de wina ame vatene: ''Dîya zanayene ke serê sibayî cinîya bi nameyê Nagîhane Akarsel taxa Bextîyarî ya Silêmanî de dinyaya xo bedilnaye. Hêzanê ma cayê serebûtî de dest pê cigêrayîşî kerd. Cigêrayîşêkê hîrayî ra dima mîyanê çend saetan de, bi fermanê Serekê Dezgehê Asayîşê Herême û bi Hemkarîya Asayîşê Hewlêr û Koye kerdox tepişîya. Tehqîqatê kiştoxî dewam keno.''

Nasnameyê kiştoxî nêame eşkerakerdene, goreyê çimeyan kerdox wexto ke xîret kerdêne ke biremo Hewlêr noqtaya kontrolî ya YNKyî de hetê Asayîşê Silêmanî ra tepişîyayo