Artêşa tirke ya îşxalkere 52 reyî hêriş kerd
Artêşa tirke ya îşxalkere warê xoverdayîşî 1 reye pê çeka qedexekerde, 4 reyî pê teyarayanê şerî û 47 reyî zî pê obus, hawan, tank û çekanê giranan dayî bombayan ver.
Merkezê Îrtîbatî û Çapemenîye yê HPGyî derheqê hêrişanê îşxalî de eşkerayîyêke daye. Eşkerayîye wina ya:
''Herema Zapî de;
22yê nîsane de saete 14.10 de, artêşa îşxalkere pê çekanê giranan hêrişê Warê Xoverdayîşî yê Girê Cûdîyî kerd. Hêzanê ma çarçewa xopawitişî de cewab da hêrişan û netîceya ney de tay temasî qewimîyayî.
Hêrişê bi çekanê kîmyewîyan;
22yê nîsane de mewzîyê xoverdayîşî yê Sîda pê çekanê qedexekerdeyan 1 reye dîyayî bombayan ver.
Hêrişê bînî yê artêşa îşxalkere;
22yê nîsane de Warê Xoverdayîşî yê Girê Cûdî, Girê Amedîyê û dormeyê dewa Sêgirê pê teyarayanê lerî 4 reyî dîyayî bombayan ver.
21 û 22yê nîsane de mewzîyê xoverdayîşî yê Warê Xoverdayîşî yê Girê FM, Girê Cûdîyî, Sîda û Çemçoyî 47 reyî pê obus, hawan, tank û çekanê giranan dîyayî bombayan ver.''
