Asayîşê Êzidxanî bi wesîleya serrgêra Peymana 9ê Teşrîna Verêne ya 2020î ya mabênê Bexdad-Hewlêrî eşkerayîyêke daye. Nameyê Asayîşê Êzidxanî ser o Endamê Îdareyê Asayîşî Zîyad Şengalîyî eşkerayîye wende. 

Eşkerayîye de ame parekerdene ke hukmatê Iraqî, dewleta tirke û PDKyî îradeyê êzidîyan çin hesabnayo û na peymane îmza kerda. Asayîşî vat: ''Bi na peymane înan waşt ke şarê ma reyna qirkerdişî de têrî bibo la ma na peymane qebul nêkerde. Ma sey Asayîşê Êzidxanî qet yew peymana ke şarî ma rê fayde nêkera, do qebul nêkerê.

Înan xoserîya Şingalî nêşinasnaye. Şingal hînî bi sîstemê felsefeya Rayber Apoyî xo îdare keno. Şarê ma zî naye ra pey do bi sereyê xo qeraran bigêro. Hewlêr û Bexdad nêeşkenê şarê ma ser o qeraran bidê. Şarê ma yê xoverdayoxî ra ber çew nêeşkeno xo sey wayîrê Şingalî bihesibno. Wayîrê Şingalî şarê Şingalî yo. Têna Şingal nê çar hetanê dinya ra pêro şarê bindestî vera hêzanê îşxalkeran xo ver danê. Ma sey şarê êzidîyan do heta peynî xo ver bidê. Ma reyna vanê ke xoverdayîş ciwîyayîş o.''