Semedê Nagîhane Akarsela ke Silêmanî de hetê dewleta tirke ra ameye qetilkerdene, Silêmanî de merasîmêk ame kerdene û dima ra cenazaya şawîyaye Tirkîya.

Merasim de derheqê têkoşînê Nagîhane Akarsel de ame qiseykerdene û  ame vatene ke pê hêriş û qetilkerdişê verê têkoşînê cinîyan û kurdan nîno girewtene. Qiseykerdoxan bale ante serê têkoşînê azadîye yê cinîyan ê kurdan ser û vat her şehadet têkoşînê kurdan xurtêr keno ke wa xeyalê şehîdan bêrê caardene.

Bade qiseykerdişan cezana şawîyaye Hewlêrî ke tîya ra bişawîyo Anqara û uca ra zî bişawîyo  cayê bîyayîşê ci Konya.