Qezaya Cizîre ya Şirnexî de şeş dewî rîyê 'gerre'yî ra des rojî yo binê ablûqaya leşkerî de yê.

Goreyê zanayîşanê ke ameyî girewtene dewê Cinibrê, Nehribê, Biyakopkê, Batilê , Sirsirkê, Gozikî des rojî yo binê ablûqa de yê. Dekewtiş û vejîyayîşê dewan ameyî girewtene, şar raştê kontrolê Arêdayîşê Hayîdarîyanê Pêroyîyan (GBT) yeno.

Goreyê xebera Ajansê Mezopotamya dewijê ke nameyê xo nêdayo wina vato: ''Rîyê ablûqa ra dewijî qerqilîyenê. Şan kes nêeşkeno vejîyo teber. Seba ke Aşma Remezanî ya tîya fitarî ra pey şar vejîyeno teber la rîyê na ablûqa ra nêeşkeno vejîyo. Ma rewşa zore de yê. Leşkeran sereştişê verênî de xeylêk ber û pencreyî şikitî û keyeyî tehdît kerdî. Leşkeran vat ê do hema dewe de bimanê.Coka ma nêzanê na ablûqa key qedîyena.''