Gerîla TVyî dîmenê çalakîyêka vera qereqolê Kanî Masî weşanayî ke çalakîye de 2 îşxalkerî ameybî cezakerdene.

Merkezê Îrtîbatî û Çapemenîye yê HPGyî derheqê çalakîye de nê agahîyî dabî:

''13ê tebaxe de saete 07.0 de tîmanê ma yê hereketînan da qereqolê Kanî Masî yê Metîna ro. Hêzanê ma çeper îmha kerd û 2 îşxalkerê zereyê çeperî ceza kerdî. Dima hêzanê ma da îşxalkerano ke pey ra ameyî ro, îşxalkerêk ceza kerd û îşxalkerêk zî birîndar bi. Sîstemêkê kameraya mobese tîya de ame îmhakerdene.''