Gerîlaya YJA Starî Fatma Çîçeka ke Koyê Bagokî yê qezaya Nisêbînî ya Mêrdînî de bombardumanê 11-15ê kanuna 2021î de  pîya bi panac embazanê xo şehîde bibî qezaya Bismîlî de ameye definkerdene.

Seba ke cenazaya Fatma Çîçeke nêameye teşhîskerdene  31ê kanûne de testê DNA amebi kerdene. Bado ke netîceya testî zelal bi keyeyê Çîçeke Bimîslê Amedî ra ame Mêrdîn û cenazaya kênaya xo Goristanê Bêkesan ê Artuklu ra  girewte.

Cenazaya Çîçek ameye berdene taxa Koperatîfî ya Bismilî. Seba ke bi seyan kesî semedê merasîmê cenaza ameyî têhet polîsan xeylêk wext cenaza dekewtişê qeza de vindarna. Polîsan taxe bi wesayîtanê zirxinan girewte binê ablûqa û vat têna şarê keyeyî eşkena tewrê merasîmê cenaza bibo û vat wa ê bînî vila bê. Bado ke şar vila bi cenaza ameye ardene goristane taxe. Badê caardişê wecîbeyanê dînîyan cenaza ameye definkerdene.