Konseya Hemserekîya Pêroyîye ya KCKyî bi wesîleya serrgêra Komployê 9ê Têşrîna Verêne ya vera Rayberê Şarê Kurdî Abdullah Ocalanî eşkerayîya nuştekîye daye û nê vatî:

‘’Komployê mîyannetweyîyî 24 serrî xo dima verdayî. Ma Rayber Apoyî selam kenê ke Îmrali de vera sîstemê tecrîd û îşkenceyî bi îradeyê xurtî xover dano.

Hêzanê hegomanîkanê kapîtalîstan ê mîyanneteweyîyî serkêşîya Amerîka de Rayber Apo û PKK xo rê sey astengî dî. Çunke înan dî ke felsefeya Rayber Apoyî heme Rojhelatê Mîyanênî geno binê tesîrê xo. Kurdî hinî nêwazenê yewna seserre bê rayber û statuyî ravêrnê.Coka wayîrê Rayber Apo û Têkoşînê Azadîye vejîyenê. Pê Komployê 9ê Teşrîna Verêne ame waştene ke îradeyê kurdê azadî bêro şiknayene. Hesabê înan oyo ke pê qedînayîşê Têkoşînê Azadîye Rojhelatê Mîyanênî hîna rehet  bifînî dest. Hetê bînî ra ame wşatene ke kurdî seserra newî de reyna bê nasname, Rayberîye û statu bimanê. Seba ke vera sîstemê kapitalîstî mile xo çewt nêkerd û vera sîyasetê  îmha û înkarî yê dewleta tirke têkoşîn kenê û teslîm nêbenê yeno waştene ke kurdan rê yewna seserre bidîyo vînîkerdene. La têkoşînê Rayber Apo, şarê ma û gerîlayan no komployê leymîn pûç vet. Nê 24 serran de têkoşîn dahîna ame xurtkerdene û resa perspektîfê demokratîkî. La hêzê komplokarî nika pê metod û rayîranê cîya cîyayan wazenê komployî bide domnayene.

Dewaya Raber Apoyî dewaya seserre ya û çareyê ci zî do bibo çareye seserre. Çarekerdişê dewaya winayêne xora bê têkoşînê şorişgêrî nêbeno. Senî ke yeno vînayene nika zemîno huqîqî yê semedê azadîya fîzîkîye ya Rayber Apoyî vejîyayo meydan.  Cezaya ke dîyaye Rayberîya ma goreyê huqûqê mîyanneteweyîyî hinî bena temam. La îqtîdaro faşîst keno ke komployêko huqûqî bikero. Bîlasebeb cezayê dîsîplînî dîyenê Rayberîya ma. Pê tecrîdî komployo huqûqî yeno rayraberdene. Ganî her kes nê bivîno û vera ci têkoşînî xurt bikero. Konseya Ewropa ke Mehkemeya Heqanê Merdiman ê Ewropa û CPTyî pabesteyê ci yê, ganî na babete de berpirsîyarîya xo bîyaro ca.

Gerîlayê Azadîye yê Kurdîstanî pê felsefeya Rayber Apoyî her roje têkoşînê xo xurtêr keno. Dewleta tirke ya îşxalkere vera gerîlayan metod û rayîrê ke çirey nêameyî diyene şuxulnena. Heme îmkananê şerî yê NATOyî ke destê ci de yê vera hêzanê ma gerîlayan şuxulnena.  Gazanê kîmyewî û axuyênan şuxulena. Nika pîya bi înan  çekanê taktîk nuklewerî şuxulnena. Vera Gerîlayanê Azadîye yê Kurdîstanî sûcê şerî yeno kerdene. Rixmê nê hêrişan gerîlayî derbanê girdan danê îşxlakeran ro. Tewr peynî de Mersin de vera merkezê polîsan çalakîya fedayîye ameye kerdene. Hemrayê ma Şehîde Sara û Şehîde Rûkene yê ke serrgêra komployî de na çalakîya serkewtîye kerde, ma înan selam kenê. Na çarçewe de ma veng danê şarê xo ke semedê caardişê şertanê weşîye, asayiş û azadîye yê Rayberîya ma wa têkoşînî pîlêr bikerê.’’