Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkde eşkerayîye daye û nê vatî:

‘’6ê teşrîna verêne de Warê Xoverdayîşî yê Çemçoyî de îşxalkeranê ke waşt bikewê mewzîyanê şerî yê Şehîd Serxwebûnî  bi taktîkê sabotajî ameyî pirodayene, îşxalkerêk ame cezakerdene.  Warê Xoverdayîşî yê Sîda zî îşxalkeranê ke waşt bi bombayanê qedexeyan û çekanê kîmyewîyan mewzîyanê şerî yê Şehîd Agirî bidê bombayan ver hetê hêzanê ma ra bi taktîkê sabotajî ameyî pirodayene. Na çalakîye de 2 îşxalkerî ameyî cezakerdene. Dormeyê mewzîyanê şerî yê Şehîd Felatî de zî yew sîstemê kameraya mobese yo ke serê ci de mayîn amebi cakerdene, hetê hêzanê m ara ame îmhakerdene. Dormeyê mewzîyanê şerî yê Şehîd Xursîyî yê Warê Xoverdayîşî yê Saca de zî îşxalkeranê ke waştêne kamera ca bikerî ameyî pirodayene. Netîceya çalakîye de îşxalkerêk ame cezakerdene û îşxalkerêk zî birîndar bi.  Warê Xoverdayîşî yê Girê Şehîd Şahanî yê Xakurkê de zî çalakîyanê hêzanê ma de 2 îşxalkerî ameyî cezakerdene.

Artêşa tirke mewzîyê şerî yê Warê Xoverdayîşî yê Girê  Amedîyê, Saca û Çemçoyî pê bombayanê qedexeyan û çekanê kîmyewîyan dayî bombayan ver. Reyna Warê Xoverdayîşî yê Kurojahro, Girê FM, Girê Cûdî, Girê Amedîyê, Girê Hakarî, Çemo, Saca û erazîya Gundê Yekmalê û warê Ergenê û Deşta Kafya yê Garê û warê Gelîya Şehîd Munzur û Girê Hîva yê Qendîlî pê teyarayanê şerî, helîkopteranê hêrişî û obusan dayî bombayan ver.

Warê Girê Berbizinê û Hornê yê ke pabesteyê Goşînê yê Xakurkê yê hetê hêzanê Îranî a pê obus û havanan dîyayî bombayan ver.’’