Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkde eşkerayîye daye û nê pare kerdî:

''Şehadetê fermandaranê serkêşan ê Eyaletê Serhadî Evîndare, Eyleme û Senare hetê hêzanê ma ra ame cigêreyane û ame tesbîtkerdene  ke engişta ajanê MÎTî Ozan Çîftçîyî tede est a. Hemkarê dişmenî Ozan Çîftçî hetê  tîmanê qesasî yê otonomî ra ame cezakerdene.

22ê teşrîna verêne de artêşa tirke ya îşxalkere dewa Qutnisî ya herêma Katoyê Şirnêxî de operasyonê îşxalî da destpêkerdene. No operasyon 24ê menge de destveng peyser ame antene.

13 û 14ê ê teşrîna verêne de Warê Xoverdayîşî yê Çemoyî de îşxalkerî çend rey têdima ameyî pirodayene. Nê çalakîyan de îşxalkerêk ame cezakerdene û îşxalkerêk zî bi giranî birîndar bi. Warê Xoverdayîşî yê Saca de zî  îşxalkerî bi çekanê giranan ameyî pirodayene û helîkopterî ameyî hedefgirewtene. Netîceyê pirodayîşan de helîkopteran herême de leşkerî nênayî ro û herême ra kewtî dûrî.13ê teşrîna verêne de Warê Xoverdayîşî yê Cûdîyî de îşxalkerî hetê hêzanê ma yê YJA Starî ra ameyî pirodayene, mewzîyêke ameye derbkerdene.

Artêşa tirke ya îşxalkere mewzîyê şerî yê Warê Xoverdayîşî yê Saca û Sîda pê bombayanê qedexeyan û çekanê  kîmyewîyan dayî bombayan ver. 12 û 13ê teşrîna verêne de Warê Xoverdayîşî Çemço, Saca, Kurojahro, Girê Hakarî, Girê Cûdî, Girê Amedîyê, Girê FM, Karke û warê Zergelê û erazîya Gundê Soragulê yê Qendîlî pê teyarayanê şerî, helîkopteranê hêrişî û obusan dayî bombayan ver.''