Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê ke 12ê teşrîna verêne de ameyî kerdene de eşkerayîye daye û nê vatî:

''Warê Xoverdayîşî yê Çemçoyî de îşxalkerê ke ver bi mewzîyanê şerî yê Şehîd Botanî şiyênî ameyî pirodayene, îşxalkerêk ame cezakerdene. Dormeyê mewzîyanê şerî yê Şehîd Agîrî yê Warê Xoverdayîşî yê Sîda de zî çalakîya sabotajî ameye kerdene û îşxalkerêk ame cezakerdene. Dormeyê mewzîyanê şerî yê Şehîd Felatî de zî kameraya mobese ameye îmhakerdene. Eynî roje Warê Xoverdayîşî yê Saca de zî teqabero ke îşxalkeran semedê mewzîyanê şerî yê Şehîd Xursîyî amede kerdbi ame destsernayene. Saetanê şanî de zî hêzanê ma yê YJA Starî pê çekanê giranan da îşxalkeran ro.

Warê Xoverdayîşî yê Girê Şehîde Zêrîne  yê herma Şûkê ya Avaşînî de hêzanê ma helîkopterê skorskyî hedef girewt. Netîceya pirodayîşanê bitesîran de helîkopter ame derbkerdene û mecbûr mend peyser agêro. Warê Xoverdayîşî yê Girê Cûdîyî de zî îşxalkerî hetê hêzanê ma yê YJA Starî ra pê çekanê giranan ameyî pirodayene.

Artêşa tirke mewzîyê şerî yê Warê Xoverdayîşî yê  Çemço, Saca, Sîda, Girê Cûdî û Girê Amediyê pê bombayanê qedexeyan û çekanê kîmyewîyan bi desan rey dayî bombayan ver. Warê Xoverdayîşî yê Girê Bihar, Çemço, Saca, Kurojahro, Girê Cûdî, Girê Amediyê, Girê FMyî pê teyarayanê şerî, helîkopteranê hêrişî û obusan dîyayî bombayan ver. Reyna semedê rijnayîşê mewzîyanê şerî yê Warê Xoverdayîşî Kakerî zî kepçeyî ameyî şuxulnayene.''