Merkezê Îrtîbatî û Çapemenîye yê HPGyî nasnameyê 5 şehîdanê Zapî eşkera kerdî.

Eşkerayîye wina ya:

''Warê ma yê Zapo ke tim şahidîya xoverdayîşanê bêhempayan kerdbi, ewro zî raştê hêrişanê giranan ê dewleta tirke ya îşxalkere yeno. Gerîlayê azadîye reyna bi mîsyonê xo cewabê nê hêrişan danê û derbanê pîlan danê îşxalkeran ro. Serkêşanê nê xoverdayîşî embazanê ma Nûda, Çîya, Demhat, Tolhildan û Cûdî xoverdayîş de bi fedakarî cayê xo girewt, mîsyonê xo yê tarîxîyî bi layîqî ardî ca û bîyî sembolê bêmergî yê xoverdayîşê xeta serfîrazîye. Ê pê fedakarî û çêrîya xo bîyî mîsalê tewr bêhempayî yê xeta azadîya cinîyan û milîtanîya Apogîran. Ma do sey embazanê Nûda, Çîya, Demhat, Tolhildan û Cûdîyî mîrasê înan ê têkoşînî bi serfîrazî tacîdar bikerê.

Nasnameyê embazanê ma yê şehîdan wina yê:

Nameyê Qodî: Nûda Kedkar Name û Peyname: Leyla Guzel Cayê Bîyayîşî: Erzirom Maye-Pî: Îpeke – Mehmet Salîm Tarîx û Cayê Şehadetî: 29ê Tebaxa 2022yî / Zap

Nameyê Qodî: Çiya Rûbar Name û Peyname: Duçeme Çelîk Cayê Bîyayîşî: Êlih Maye-Pî: Guneşe – Nazim Tarîx û Cayê Şehadetî: 21ê Tebaxa 2022yî / Zap

Nameyê Qodî: Demhat Herekol Name û Peyname: Mehmet Halit Taş Cayê Bîyayîşî: Sêrt Maye-Pî: Kudrete– Sabrî Tarîx û Cayê Şehadetî: 8ê Tebaxa 2022yî / Zap

Nameyê Qodî: Tolhildan Hêvî Name û Peyname: Umut Kurtuluş Cayê Bîyayîşî: Duzce Maye-Pî: Emine – Goksel Tarîx û Cayê Şehadetî: 27ê Tebaxa 2022yî / Zap

Nameyê Qodî: Cûdî Malazgîrt Name û Peyname: Sînan Oncu Cayê Bîyayîşî: Mûş Maye-Pî: Zemzemu – Muhur Tarîx û Cayê Şehadetî: 31ê Tebaxa 2022yî / Zap

Embaz Nûda Erzirom de dadîya xo ra bena. Embaze Nûda dima 2016 de wextê şerê giranî de Gever de tewra gerîlayan bena. A verî warê Cîloyî yê Zapî bena û Çarçela de têkoşîn kena. Embaze Nûda her cayê Zapî de tewra xebatan bena û vera xo aver bena. Destpêkê hêrişanê 14ê nîsane ra nata a çarçewa Hemleya Bazanê Zagrosî de bi kesayetê xo yê kedkarî mazharê hûrmetê embazanê xo bena. A Zap de ruhê xoverdayîşî bi layîqî temsîl kena û bena milîtanêka serkewte ya YJA-Starî.

Embaze Çîya Êlih de dadîya xo ra bena. A 2016 de Garzan de tewra gerîlayan bena û wextêk tîya de têkoşînî pratîze kena. 2020 de a derbazê Zapî bena û cade adapteyê na cografya bena. Embaze Çîya sey milîtanêka YJA-Starî de Zap de 2021-2022 de vera hêrişan têkoşîn kena û derbanê giranan dana dişmenî ro. Embaze Çîya pa embazanê xo xoverdayîşêkê pîlî ana ca û hêrişanê kîmyewîyan ê artêşa îşxalkere de şehîd bena.

Embaz Demhat Sêrt de dadîya xo ra beno. Embaz Demhat verî xebatanê ciwanan de ca gêno û 2014 de Botan de tewrê gerîlayan beno. O perwerdeyan ra dima wextêk Qendîl û Heftanîn de têkoşîn keno, 2016 de zî derbazê Zapî beno. Embaz Demhat tim xo rê serkewtişî esas gêno. O tim pê enerjîya xo beno çimeyê moralî yê embazanê xo. Embaz Demhat tim pê tecrubeyanê xo paştî dano embazanê xo.

Embaz Tolhildan mîyanê keyeyêkê amedijî de Duzce de dadîya xo ra bena. O verî xebatanê ciwanan de cagêno û 2014 de Amedî ra tewrê gerîlayan beno. Dima o derbazê Zapî beno û tîya de perwerdeyan gêno. Embaz Tolhildan dima 5 serran Avaşîn de maneno û tîya de vera dişmenî şer keno. Dşma reyna derbazê Zapî beno û çalakîyanê serkewteyan de cagêno. O çarçewa Hemleya Şorişgêre ya Bazanê Zagrosî de tunelanê şerî de vera dişmenî xo ver dano.

Embaz Cûdî Mûş de dadîya xo ra beno. Embaz Cûdî 2015 de xeyalê xo yê domanîye ano ca û tewrê gerîlayan beno. Embaz Cûdî koyan de xo aver beno û tim felsefeya Rayber Apoyî waneno. O Zap de wezîfe keno û embazanê xo reyde Zap de destanan nuseno.  Embaz Cûdî tunelanê şerî de embazanê xo reyde vera hêrişanê dişmenî xo ver dano û heta şedadetê xo têkoşînî ra fek vera nêdano.

Ma sere de keyeyanê şehîdanê ma yê ercîyayeyan rê pêro şarê welatperwerî yê Kurdîstanî rê serweşîye wazenê.''