HPGyî nasnameyê gerîlayêkî eşkera kerd
HPGyî nasnameyê gerîlayêkî eşkera kerd û vat: ‘’Ma soz danê ke têkoşînê embazê xo seba ke layîqê ci bibê biresnê serfîrazîye.’’
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê gerîlayêkî eşkera kerd. Eşkerayîye wina ya:
‘’Embazê ma Argeş Hewreman 22yê adara 2025î de Xakurkê de, netîceya qezayêkê bêtalehî de şehîd bi.
Embazê ma Argeş sey duristî, nefsqijî, fedakarî, exlaqê pakî xeylê taybetmendîyê Apogîrî kesayetê xo de temsîl kerdî. Ma zaf kewtî şehadetê ey verî. ’Ma soz danê ke têkoşînê embazê xo seba ke layîqê ci bibê biresnê serfîrazîye. Ma sere de keyeyê ey ê ercîyayeyî rê, pêro şarê Kurdîstanî yê welatperwerî rê serweşîye wazenê.
Nasnameyê embazê ma Argeş Hewramanî wina yo:
|
|
Nameyê Qodî: Argeş Hewraman Name û Peyname: Îkbel Edwayî Cayê Bîyayîşî: Merîwan Maye-Pî: Ayşe – Muhiyeddin Tarîx û Cayê Şehadetî: 22yê Adara 2025î / Xakurkê |
Embazê ma Argeş Hewremanê Rojhelatê Kurdîstanî de dadîya xo ra beno. O keweno cigêrayîşan pey û partîya ma şinasneno. Embazê ma mîyanê xebatanê partîye de cagêno û binê tesîrê gerîlayan de maneno. O 2010 de zanîngehî terikneno û verê xo dano koyan, beno gerîla.
Embazê ma cade adapteyê koyan beno û bi xurtî Şerê Şarî yê Şorişgêrî de cagêno. O her ke şino xo aver beno. Embazê ma Argeş pêro erk û mesuldarîyanê xo bêkêmasî ano ca. Herêmanê Pawitişî yê Medya de o vera hêrişanê îşxalî bi xurtî têgêreno û bi marîfetanê xo yê gerîlayî derbanê xurtan dano dişmenî ro. Embazê ma Xakurkê de şehîd beno. Ma do ey tim mîyanê têkoşînê xo de bîyarê vîrî.’’
